I pandehuri deklaron se financoi apo mori pjesë në disa ekzekutime, u orientua nga Nuredin Dumani dhe përdori EncroChat që prej 2016–2017
Erion Alibej ka dhënë një dëshmi tronditëse në procesin “Plumbi i Artë”, duke pranuar rolin e tij në disa ngjarje të rënda kriminale. Ai tha se ka financuar vrasjen e Dorjan Shkozës dhe ka marrë pjesë në ekzekutimin e Besian dhe Viktor Haxhisë, si edhe në vrasjen e Emiljano Ramazit, Regis Runajt dhe Bujar Çelës. Alibej theksoi se motivi kryesor ishte të arrinte me çdo kusht te Talo Çela.
Sipas dëshmisë, Alibej është orientuar nga Nuredin Dumani për identifikimin e objektivëve: “Thëniet e tij më bindën; rrethanat përputheshin,” u shpreh ai, duke shtuar se kishte marrë informacion për përdorimin e dy automjeteve në vrasjen e familjarëve të tij. Për Anxhelo Avdinë, ai tha se e mësova nga televizioni dhe se Dumani e kishte përshkruar si pjesë të grupit rival të Çelës.
Alibej kujtoi se ishte dënuar më herët për trafik droge (2010–2011) dhe ishte liruar në vitin 2013. Ai pranoi gjithashtu përdorimin e platformës EncroChat që kur doli në treg, rreth viteve 2016–2017. Procesi vijon me pyetje-përgjigje dhe verifikimin e deklarimeve të tij nga Prokuroria.
About the Author
