Administrata amerikane e cilëson Groenlandën prioritet të sigurisë kombëtare dhe paralajmëron se të gjitha opsionet janë në tavolinë
Administrata e Donald Tramp po shqyrton seriozisht disa skenarë për marrjen e kontrollit mbi Groenlandën, duke mos përjashtuar as përdorimin e forcës ushtarake. Sipas një deklarate të bërë për Reuters, White House ka konfirmuar se ushtria amerikane mbetet një opsion i hapur në këtë proces.
Sipas Shtëpisë së Bardhë, presidenti amerikan e konsideron Groenlandën një prioritet kyç të sigurisë kombëtare për Shtetet e Bashkuara, veçanërisht në kontekstin e rritjes së tensioneve gjeopolitike në rajonin Arktik. Administrata Trump argumenton se kontrolli mbi këtë territor është thelbësor për të frenuar rivalët strategjikë të SHBA-së në veri të globit.
Në reagimin zyrtar ndaj pyetjeve të Reuters, u theksua se presidenti dhe ekipi i tij janë duke diskutuar disa alternativa për arritjen e këtij objektivi të rëndësishëm të politikës së jashtme. Në këtë kuadër, u nënvizua se komandanti i përgjithshëm i forcave të armatosura amerikane ka gjithmonë në dispozicion opsionin e përdorimit të ushtrisë.
Groenlanda, territor autonom nën sovranitetin e Danimarkës, ka rëndësi strategjike për shkak të pozicionit të saj gjeografik, burimeve natyrore dhe rolit në sigurinë arktike. Qëndrimi i fundit i administratës amerikane pritet të shkaktojë reagime të forta ndërkombëtare dhe të hapë një debat të ri mbi balancat e pushtetit në Arktik.
About the Author
