Grupi palestinez akuzon Izraelin për shkelje të armëpushimit dhe i bën thirrje SHBA-së të ndërhyjë për zbatimin e marrëveshjes
Hamas ka konfirmuar vrasjen e një prej komandantëve të tij të lartë gjatë një sulmi ajror izraelit në Rripin e Gazës, duke e cilësuar ngjarjen si eliminimin më të rëndësishëm të një figure drejtuese që prej arritjes së marrëveshjes së armëpushimit në muajin tetor.
Shefi i Hamasit në Gaza, Khalil al-Hayya, deklaroi se Raed Saed ishte mes pesë personave që humbën jetën në sulmin e fundit izraelit. Sipas tij, kjo ngjarje përbën një tjetër shkelje serioze të marrëveshjes së armëpushimit dhe kërkoi nga ndërmjetësit ndërkombëtarë, veçanërisht administrata amerikane dhe presidenti Donald Trump, të ushtrojnë presion mbi Izraelin për respektimin e plotë të marrëveshjes.
Autoritetet shëndetësore në Gaza bëjnë me dije se të paktën 25 persona të tjerë u plagosën në sulmin e fundit. Sipas të dhënave të publikuara nga institucionet lokale, që nga nisja e armëpushimit në tetor, Izraeli ka kryer qindra sulme ajrore në Gaza, duke shkaktuar qindra viktima, çka sipas tyre përbën shkelje të vazhdueshme të marrëveshjes së arritur.
Vrasja e Raed Saed shihet si një përshkallëzim i ri i tensioneve, ndërsa situata në terren mbetet e brishtë dhe përpjekjet diplomatike për ruajtjen e armëpushimit po përballen me vështirësi të mëdha.
About the Author
