Fati Vazquez trondit opinionin me rrëfimin e saj: nga festat në Ibiza tek marrëdhëniet e përditshme të organizuara nga agjenti i Lamine Yamal
Lamine Yamal, ylli 18-vjeçar i FC Barcelonës, është sërish në qendër të vëmendjes, këtë herë jo për talentin e tij në fushë, por për jetën private. Ish-partnerja e tij, Fati Vazquez, 30 vjeç, ka bërë deklarata të bujshme në një emision televiziv spanjoll, duke hedhur dritë mbi zakonet dhe marrëdhëniet e sulmuesit të ri katalanas.
Sipas Vazquez, e cila e ka cilësuar Yamal si jo aq të përulur sa duket, futbollisti është i rrethuar nga persona që nuk e këshillojnë siç duhet. Ajo kujtoi se në moshën 17-vjeçare ai frekuentonte klube nate, festa dhe udhëtime me grupe vajzash, përfshirë një rast në Ibiza, kur sipas saj, kishte ftuar dhjetë vajza në një jaht.
Në intervistë, Vazquez tregoi se një vajzë tjetër i kishte shkruar duke i thënë se kishte qenë me Yamal vetëm një ditë përpara saj. Më tej, ajo shtoi se menaxheri i lojtarit mbante një kalendar me vajza, duke organizuar çdo ditë shoqërinë e futbollistit me partnere të ndryshme.
Deklaratat e saj vunë në pikëpyetje edhe marrëdhënien aktuale të Yamal me këngëtaren Nicki Nicole. Sipas Vazquez, futbollisti është shumë i dashuruar, por ajo dyshon se artistja nuk ndan të njëjtat ndjenja dhe se lidhja mund të jetë më shumë përfitim personal sesa dashuri e sinqertë.
Këto zbulime vijnë vetëm pak ditë para ndeshjes së madhe të Barcelonës kundër PSG-së në Ligën e Kampionëve, ku pritet që Yamal të jetë në formacion.
About the Author
