Në 63-vjetorin e lindjes së Kellyt, aktori publikoi një foto të saj dhe një regjistrim ku këndon “Come Rain or Come Shine”, mes mesazhesh prekëse nga fëmijët Ella dhe Ben
John Travolta ka nderuar sërish kujtimin e bashkëshortes së tij të ndjerë, Kelly Preston, e cila u nda nga jeta në vitin 2020 pas luftës me kancerin e gjirit. Në ditëlindjen e saj, 13 tetor, aktori postoi në Instagram një foto “vintage” të Kellyt me buqetë lulesh në duar, e shoqëruar me një audio ku ai këndon me emocion “Come Rain or Come Shine” të Ray Charles, një deklaratë dashurie pa kushte.
“E regjistrova këtë këngë për Kelly dhe dua ta ndaj me ju për ditëlindjen e saj. Gëzuar ditëlindjen, të duam; John, Ella dhe Ben”, shkroi ai. Komentet e ndjekësve u mbushën me mesazhe ngushëllimi dhe admirim: “Kängë e mrekullueshme…”, “E ndiej dhimbjen tënde”, “Lot në sy”.
Travolta dhe Preston u martuan më 5 shtator 1991 në Paris, dhe një javë më pas e ripohuan martesën në Florida. Çifti pati tre fëmijë; i madhi, Jett, ndërroi jetë tragjikisht në vitin 2009 në moshën 16-vjeçare. Pavarësisht goditjes së rëndë, ata qëndruan bashkë deri në frymën e fundit të Kellyt, më 12 korrik 2020. Sot, homazhi i Travoltës mbetet një kujtesë e fuqishme e dashurisë së tyre dhe e forcës së familjes përballë humbjes.
About the Author
