Moderatorja nxit shpresën për një Shqipëri që zgjohet, duke mbështetur kandidaturën e aktorit të pavarur Florian Binaj
Këngëtarja dhe moderatoreja Klea Huta ka bërë publike mbështetjen e saj për Florian Binajn, i cili garon si kandidat i pavarur për kryetar bashkie. Në një postim në rrjetet sociale, Huta riktheu kujtimet e bashkëpunimit në Klea Huta Academy dhe theksoi vlerat njerëzore dhe profesionale që sheh tek Binaj.
Ajo përshkroi kursin e aktrimit dhe shfaqjen”Komshinjtë”, projekt që nisi si një iniciativë e vogël me adoleshentë dhe u bë më pas një tur suksesi në qytete të ndryshme të Shqipërisë. Huta tha se përvojat e përbashkëta tregojnë për pasionin, përkushtimin dhe ndershmërinë e Binajt dhe e vlerësoi atë si shembull për të rinjtë.
Mesazhi i saj thekson nevojën për njerëz të papolitizuar në shërbim të publikut, që e shohin pushtetin si përgjegjësi dhe jo si privilegj. Mbështetja për Binajn interpretohet si një thirrje për rinovim dhe për alternativa jashtë skenës tradicionale politike.
About the Author
