Ylli i realityt shpreh mirënjohje dhe dashuri për bashkëshortin e saj, duke e cilësuar drejtuesin e familjes së tyre të madhe të përbashkët.
Kourtney Kardashian ka uruar bashkëshortin e saj, bateristin Travis Barker, për 50-vjetorin e tij me një dedikim të ngrohtë në rrjetet sociale. Ajo publikoi disa foto familjare dhe momente të përzemërta, mes tyre edhe çastin kur Travis përgatitet të fikë qirinjtë e një torte vintage në formë ylli. Në postimin e saj, Kourtney e përshkroi bashkëshortin si të sinqertë, të përkushtuar, mirënjohës dhe të dashur, duke theksuar se këto cilësi i njohin të gjithë ata që e rrethojnë.
Ajo tregoi se dashuria ndaj Travis është e përbashkët në gjithë familjen e tyre të madhe, ku përfshihen djali i tyre Rocky, fëmijët e Travis, Landon, Alabama dhe Atiana, si edhe fëmijët e saj, Mason, Penelope dhe Reign. Sipas saj, Travis shihet si figura kryesore e familjes, një njeri që i frymëzon përditë dhe që sjell harmoni në shtëpinë e përbashkët.
Kourtney shprehu se martesa me të është një nder dhe se jeta përkrah tij i duket si një dhuratë e vazhdueshme, edhe pas gati pesë vitesh së bashku. Ajo e mbylli urimin me fjalë të ngrohta dashurie, duke i thënë se e do më shumë sesa mund të shprehë.
Ndërsa çifti festonte privatisht këtë ditë të rëndësishme, emri i Kourtney-t u përmend në Hollywood pas një deklarate të aktores Jennifer Lawrence, e cila në një intervistë me detektor gënjeshtrash e kishte cilësuar atë më të bezdisshmen e familjes Kardashian këtë sezon. Por kjo nuk ndikoi në atmosferën e së javës, pasi Lawrence u pa në një event në Beverly Hills duke buzëqeshur krah Kendall dhe Kylie Jenner, duke shuar spekulimet për tensione.
Në qendër të vëmendjes së Kourtneyt mbeti vetëm festimi i ditëlindjes së Travis, ku ajo zgjodhi të theksojë dashurinë, familjen dhe mirënjohjen si mesazhin e ditës.
About the Author
