Shqipëria ia arriti qëllimit duke u kualifikuar për herë të parë në Play Off të një Botërori. Të dielën, kuqezinjtë përballen me Anglinë në “Air Albania”, në një ndeshje totalisht pa presion. Në konferencë për shtyp, trajneri i kombëtares, Sylvinho iu përgjigj pyetjeve të gazetarëve.
“Nuk dua të konfuzoheni. Po flasim për Anglinë, që është mes favoritëve për të fituar Botërorin. Janë ekipe nga nivel tjetër.
Ne për herë të parë do të luajmë në “play off”. Do të jetë një ndeshje e vështirë. Janë ekip që kanë shtatë fitore dhe nuk kanë pësuar asnjë gol.
Në fakt, ishte një ndeshje e vështirë ndaj Andorrës. E vështirë për t’i mposhtur në shtëpi. Janë një skuadër që mbrojnë me zemër. E prisnim kështu.
Sa i përket Brojës. Kam folur me lojtarin dhe grupin. E kemi zgjidhur bashkë. Ishte i zhgënjyer pas ndeshjes. Është një moment shumë i bukur i joni. Është moment i bukur për të gjithë. Duhet ta shijojmë këtë moment dhe ndeshjen ndaj Anglisë.”
Në fakt Broja ka bërë mirë në disa ndeshje. Me Serbinë bëri shumë mirë. Nuk është fokusi sesi një lojtar luan në atë rol, por edhe për të ekuilibruar skuadrën. Nuk fokusohemi dot në një lojtar. Ai është një nga lojtarët që kemi. Nëse ndodh që një lojtar tjetër mund të bëjë një pozicion, do të provohet. Uzuni, mund të luajë në të majtë, sulmues i dytë dhe djathtas.”
Jam shumë krenar që jam trajner i Shqipërisë. Ndihem si në shtëpi. Është e vështirë të bindësh lojtarët siç do. Të mos pësosh gola, nuk është vetëm punë e mbrojtjes, por e gjithë ekipit. Besoj se nesër do të kemi një ndeshje shumë të mirë”-tha ai.
About the Author
