Në moshën 70-vjeçare, ylli i “The Kardashians” kërkon të fshehë shenjat e plakjes, pavarësisht paralajmërimeve mjekësore
Kris Jenner po planifikon një tjetër ndërhyrje kozmetike, këtë herë të konsideruar nga ekspertët si tepër e rrezikshme për moshën e saj. Sipas raportimeve të fundit, producentja dhe figura qendrore e “The Kardashians” synon një procedurë për rigjenerimin e duarve, të cilat, sipas burimeve pranë saj, bien në kontrast me pamjen e fytyrës dhe qafës së saj tashmë të përpunuara estetikisht.
Burime mediatike bëjnë me dije se Jenner ka investuar prej vitesh në ruajtjen e një pamjeje rinore, por duart vazhdojnë të tradhtojnë moshën reale. Për këtë arsye, ajo po shqyrton mundësinë e një operacioni të njohur si hand lift, megjithëse mjekët e kanë paralajmëruar për rreziqet serioze që shoqërojnë këtë lloj ndërhyrjeje tek personat mbi 70 vjeç.
Sipas specialistëve të kirurgjisë estetike, ndërhyrjet për rigjenerimin e duarve janë ndër më të vështirat teknikisht. Me kalimin e moshës, koha e rikuperimit zgjatet, qarkullimi i gjakut dobësohet dhe rreziku i komplikacioneve rritet ndjeshëm, duke përfshirë edhe dëmtimin e funksionit të dorës, jo vetëm aspektin estetik.
Pavarësisht kritikave dhe debatit publik që ka shoqëruar transformimet e saj fizike, Kris Jenner ka qenë gjithmonë e hapur për zgjedhjet e saj personale. Ajo ka deklaruar se ndërhyrjet kozmetike janë një mënyrë për t’u ndjerë mirë me veten dhe për të përjetuar atë që ajo e quan plakje me stil.
Në një intervistë të fundit, Jenner theksoi se për të, përmirësimi i pamjes nuk lidhet me presionin e jashtëm, por me lumturinë personale dhe dëshirën për të qenë versioni më i mirë i vetes.
About the Author
