Pas debateve dhe tensioneve, dy banorët surprizojnë publikun me një çast afrimi që nuk kaloi pa u vënë re
Raporti mes Kristi Lamajt dhe Ilir Vrenozit në shtëpinë e Big Brother VIP 5 vijon të jetë ndër më të komentuarit, mes përplasjeve të shpeshta dhe momenteve që zbulojnë një anë tjetër të marrëdhënies së tyre. Në mesditën e sotme, dy banorët u panë të ulur pranë njëri-tjetrit, kur papritur Kristi mbështeti kokën në shpatullën e Ilirit dhe ra në gjumë.
Në një atmosferë të qetë, Iliri reagoi duke nisur t’i këndojë me zë të ulët, duke krijuar një moment intim që u interpretua nga publiku si një shenjë afrimi dhe zbutjeje mes tyre. Skena kontrastoi dukshëm me përplasjet e mëparshme që kanë pasur që nga nata e parë në shtëpi, kur ndarja e krevateve solli tension dhe debat të fortë mes tyre.
Pavarësisht keqkuptimeve dhe përplasjeve, Kristi dhe Iliri kanë treguar edhe më herët se dinë të kalojnë kohë të qeta së bashku. Në disa raste, ata janë parë duke kërcyer dhe duke u argëtuar në sfondin e muzikës, duke lënë të kuptohet se marrëdhënia e tyre është më komplekse sesa duket në sipërfaqe.
Ky moment i fundit ka nxitur reagime të shumta në rrjete sociale, ku ndjekësit e formatit po spekulojnë nëse mes dy banorëve po lind një afrimitet i ri apo thjesht një pauzë e përkohshme mes dy karaktereve të forta të shtëpisë më të famshme në Shqipëri.
About the Author
