Debat i ashpër mes banorëve, akuza për mungesë respekti dhe përplasje verbale
Një përplasje e fortë verbale ka shpërthyer mes Keijsit dhe Stelinës pas darkës sqaruese të zhvilluar mbrëmjen e djeshme. Në qendër të debatit është vendosur Kristi, i cili u kthye në shkakun kryesor të tensioneve mes dy banorëve.
Situata u ndez pasi Kristi ndërhyri gjatë darkës, duke i thënë Stelinës se kishte rënë shumë poshtë duke u marrë me Keijsin. Ky koment nuk është pritur aspak mirë nga Keijsi, i cili reagoi ashpër dhe e akuzoi Stelinën për mungesë respekti. Sipas tij, ajo nuk duhej t’i jepte të drejtë Kristit, ndërkohë që ishte ulur në tavolinë me të.
Debati u shoqërua me tone të larta dhe replika të forta mes dyshes, ku secili akuzonte tjetrin për sjellje provokuese dhe mungesë korrektësie. Përplasja verbale solli edhe reagime ironike dhe nervoze, duke e tensionuar edhe më shumë situatën mes banorëve.
Ngjarja ka shtuar ndjeshëm tensionin në shtëpi, ndërsa mbetet për t’u parë nëse palët do të arrijnë të qetësojnë situatën apo konflikti do të përshkallëzohet edhe më tej në ditët në vijim.
About the Author
