Qeveria kërkon rrëzimin e pezullimit të Belinda Ballukut, ndërsa Gjykata Kushtetuese pritet të vendosë nëse kërkesa do të kalojë për shqyrtim të plotë
Gjykata Kushtetuese ka vendosur ta shtyjë për ditën e enjte mbledhjen ku do të diskutohet kërkesa e qeverisë lidhur me pezullimin nga detyra të Belinda Ballukut, e cila është larguar përkohësisht nga posti i zëvendëskryeministres dhe të ministres së Infrastrukturës pas vendimit të GJKKO.
Seanca e radhës do të zhvillohet më 4 dhjetor, ku gjyqtarët do të shqyrtojnë nëse ankimimi i paraqitur nga kryeministri Edi Rama përmbush kriteret për t’u dërguar në një seancë të plotë plenare.
Kolegji i Kushtetueses u mblodh ditën e sotme për vlerësimin paraprak të kërkesës së qeverisë, ndërsa pas analizimit fillestar u vendos që çështja t’i kalojë Mbledhjes së Gjyqtarëve. Ky organ do të përcaktojë nëse kërkesa është e pranueshme dhe nëse duhet të vazhdojë procesi për shqyrtim të plotë.
Sipas njoftimeve zyrtare, vendimi për pranueshmërinë do të jetë vendimtar për fatin e procesit dhe për vazhdimin ose jo të procedurave që lidhen me rikthimin e mundshëm të Ballukut në detyrë.
About the Author
