Kontrolli në Reggio Emilia zbulon mbi 25 kg kokainë dhe laborator paketimi në banesë; 32-vjeçari shqiptar arrestohet sërish.
Karabinierët në provincën e Reggio Emilia kanë arrestuar sërish një 32-vjeçar shqiptar, i dyshuar si hallkë kyçe e trafikut lokal të kokainës. I monitoruar prej muajsh, ai u kap gjatë një kontrolli të befasishëm në banesë, ku policia thotë se gjeti sasi rekord dhe pajisje profesionale paketimi.
Sipas hetuesve, në dhomën e gjumit u sekuestruan pesë çanta shpine të mbushura me pako të vakumuara, me peshë totale mbi 25 kilogramë kokainë. Në kuzhinë, brenda dollapit mbi sobë, u zbuluan 35 qese për paketim në vakum, rrotulla celofani dhe filmi plastik, dy peshore elektronike precize, si dhe dy telefona celularë të përdorur dyshohet për porositë.
I riu ishte ndaluar edhe në qershor, pikërisht në të njëjtën banesë, ku autoritetet kishin gjetur sasi të konsiderueshme lënde narkotike. Provat e reja e kthejnë atë në burg, ndërsa hetimet vazhdojnë për të identifikuar rrjetin e bashkëpunëtorëve dhe destinacionet e furnizimit.
About the Author
