Grupi prej pesë personash që mashtruan një biznesmen nga Shkodra, tre prej të cilëve janë arrestuar, dyshohet se janë pjesë e grupit të të shumëkërkuarit për mashtrim, Florian Gjergji.
Gazetarja Xhenila Kodra raporton se të dielën, policia arrestoi Krenar Toromenin, Ilia Gjinin dhe Artur Lecinin. Sipas hetimeve, ata kanë kontaktuar biznesmenin përmes aplikacionit Viber, duke përdorur një numër të paregjistruar, dhe janë prezantuar si miq të ngushtë të Tonin Marinajt, kryetarit të Bashkisë Malësi e Madhe.
Të arrestuarit i kanë kërkuar biznesmenit shumën prej 40 mijë eurosh, me pretendimin se do t’ia dorëzonin Marinajt dhe se paratë do t’i ktheheshin brenda pak ditësh. Sipas deklarimit të biznesmenit, ai ua ka dhënë paratë me mirëbesim.
Në mbrëmje, pasi ka kontaktuar vetë Tonin Marinajn për ta pyetur nëse i kishte marrë paratë, biznesmeni ka kuptuar se kishte rënë pre e mashtrimit. Më pas, ai ka bërë kallëzim në polici, duke çuar në nisjen e hetimeve dhe arrestimin e tre personave.
Ata e kishin marrë biznesmenin në aplikacionin Viber me një numër të paregjistruar dhe i ishin prezantuar si miku i ngushtë i Tonin Marinajt, kryetarit të bashkisë në Malësi e Madhe.
Të arrestuarit i kanë kërkuar shumën prej 40 mijë euro, me pretendimin se do ua çonin Marinajt dhe do ia kthente brenda pak ditësh.
Sipas biznesmenit, paratë ua ka dhënë me mirëbesim dhe në mbrëmje pasi ka marrë Tonin Marinajn në telefon për ta pyetur nëse i kishte marrë paratë, ka kuptuar se ishte mashtruar. Pasi bëri kallëzimin në polici, autorët u identifikuan nga kamerat e një biznesi pranë Rinasit, ku edhe ishin dhënë paratë.
About the Author
