Kënga e re e artistes 32-vjeçare ndez menjëherë zhurmën e Oscar dhe emocionon fansat në mbarë botën
Miley Cyrus ka publikuar më në fund këngën shumë të pritur “Dream As One”, pjesë zyrtare e kolonës zanore të filmit Avatar: Fire and Ash, kapitulli më i ri i sagës spektakolare Avatar.
Këngëtarja e njohur e postoi videon në Instagram më 13 nëntor, ku shfaqen pamje nga filmi të ndërthurura me muzikën e saj me tone të thella emocionale. Postimi u prit menjëherë me reagime të forta nga fansat, të cilët e cilësuan këngën një ndër performancat e saj më prekëse.
Artisja shpjegon se bashkëpunimi me Mark Ronson dhe Andrew Wyatt ka qenë një përvojë e sinqertë dhe e mbushur me kujtime personale. Ajo nënvizon se vargjet e këngës janë një reflektim i rrugëtimit të deritanishëm, i realitetit të sotëm dhe i shpresës për të ardhmen, duke përfshirë edhe humbjen e shtëpisë së saj në Malibu gjatë zjarreve të vitit 2018.
Cyrus shton se kënga lidhet fuqishëm me gjendjen aktuale globale dhe se ka qenë nder të krijonte diçka kaq personale për një film që prek emocionalisht publikun në të gjithë botën.
Me publikimin e këngës, në rrjetet sociale nisi menjëherë zhurma rreth mundësisë që Dream As One të jetë pretendente për Oscar. Komentet e fansave shprehnin bindjen se kjo këngë meriton çmimin më të madh të kinemasë botërore, duke e cilësuar Cyrus si një nga vokalet më të fuqishme të kohës sonë.
Filmi Avatar: Fire and Ash, pjesa e tretë e sagës legjendare të James Cameron, pritet të jetë një nga premierat më të komentuara të vitit, ndërsa kënga e Miley Cyrus tashmë ka marrë vëmendjen e botës përpara se filmi të mbërrijë në kinema.
About the Author
