Eduart Merkaj, pas një eksperience të gjatë në policinë e shtetit, vihet në krye të Agjencisë së Mbikëqyrjes Policore.
Agjencia e Mbikëqyrjes Policore ka një drejtues të ri. Eduart Merkaj është zgjedhur për të marrë komandën e institucionit që kontrollon dhe heton veprimtarinë e policisë, duke zëvendësuar Florjan Sulejmanin, i cili u largua nga posti në korrik 2025.
Merkaj është një emër i njohur në radhët e uniformave blu, me një karrierë të gjatë në struktura të ndryshme të rendit. Ai ka shërbyer si drejtues i policisë kufitare, specialist në sektorin antikorrupsion, shef i forcës së posaçme operative dhe më vonë si drejtor i Departamentit të Policisë Kriminale.
Emërimi i tij shihet si një përpjekje për të sjellë stabilitet dhe reformë në një institucion që shpesh është në qendër të vëmendjes për rolin e tij të ndjeshëm në mbikëqyrjen e strukturave të policisë.
About the Author
