Sot dita e ndarjes nga sëmundja jonë më e madhe otomanizmi!
Kështu e ka nisur Ben Blushi reagimin për Ditën e Pavarësisë. Në një postim në rrjetet sociale, Blushi ka fajësuar Otomanizmin, se i ka hequr kombit tonë dëshirën për punën, artet dhe gjuhën.
Në një postim në rrjetet sociale, ai shton se pa pushtimin otoman historia jonë do ishte më e ndritur dhe sot do ishim një popull europian më i madh dhe plotësisht i integruar.
“Kur otomanët ikën nuk lanë asgjë pas. Shqipëria post otomane doli si vendi më i varfër, më i grabitur, më i paditur, më i sëmurë, më i vogël dhe më i uritur në Evropë.
Asnjë armik nuk na ka trajtuar më keq se otomanët gjakatarë.
Ata na zhveshën nga nevoja për të punuar, për të ëndërruar dhe për të jetuar me drejtësi.
Ata na ndanë nga trungu dhe na lanë të kalbemi në mocalin e tyre thithës.
Pa pushtimin otoman historia jonë do ishte më e ndritur dhe sot do ishim një popull europian më i madh dhe plotësisht i integruar.
Prandaj përpjekja e Ismail Qemalit që duke kaluar mes baltrave të kohës arriti ta shpallë Shqipërinë të pavarur në 28 nëntor të vitit 1912 është ndoshta akti më kurajoz i historisë sonë.
Të gjitha të këqijat që kemi pësuar dhe po pësojmë ende dhe sot e kanë burimin atje.
Te ato 500 vjet errësirë, poshtërim dhe përulje kombëtare.
Otomanizmi është sëmundja jonë që duhet ta shërojmë deri në fund”, shkruan Blushi.
About the Author
