Kryetari i Kuvendit deklaron se diskutimi parlamentar do të ndikonte procesin gjyqësor, ndaj interpelanca me Kryeministrin nuk kalon për shqyrtim.
Në seancën plenare të së enjtes, Kryetari i Kuvendit Niko Peleshi refuzoi kërkesën e deputetit Gazment Bardhi për zhvillimin e një interpelance me Kryeministrin Edi Rama lidhur me çështjen e ish-ministres së Infrastrukturës dhe Energjetikës, Belinda Balluku. Peleshi argumentoi se tema ndodhet aktualisht në shqyrtim pranë Gjykatës Kushtetuese dhe ndërhyrja politike mund të ndikojë drejtpërdrejt në procesin ligjor.
“Kërkesa nuk duhet pranuar, sepse çështja është nën hetim në Gjykatën Kushtetuese. Çdo përpjekje për të nxjerrë një vendim politik, para vendimit zyrtar, mund të ndikojë te ligji,” u shpreh Peleshi gjatë prezantimit të rendit të ditës.
Debati pritet të rikthehet sapo Gjykata Kushtetuese të shprehet, ndërsa opozita ka paralajmëruar se do të ngrejë sërish kërkesën menjëherë pas vendimit.
About the Author
