Aksidenti i rëndë shënon një tjetër viktimë në rrugët shqiptare
Një aksident tragjik është regjistruar këtë të enjte në aksin rrugor Bilisht–Kapshticë, ku dy automjete u përplasën me dhunë frontale. Nga goditja fatale ka ndërruar jetë një grua 41-vjeçare, e cila nuk mundi t’i mbijetojë plagëve të marra.
Përveç viktimës, një tjetër person është lënduar rëndë dhe është transportuar me urgjencë drejt spitalit të Bilishtit, ku po merr trajtim intensiv nga mjekët.
Policia ndodhet në vendngjarje dhe ka nisur hetimet për të zbardhur rrethanat, ndërsa grupi hetimor po punon për të përcaktuar shkaqet e sakta të këtij aksidenti fatal, që i ka marrë jetën një tjetër qytetareje në rrugët e vendit.
About the Author
