Dy punonjës të një qendre shëndetësore në Tepelenë dyshohet se kanë falsifikuar dokumente mjekësore për të justifikuar një person nën masë sigurie.
Gjykata e Gjirokastrës ka vendosur pezullimin nga detyra të një mjeku dhe një infermieri, pas hetimeve që zbuluan regjistrimin e një vizite fiktive për një person të arrestuar.
Personat e pezulluar janë R. S., 39 vjeç, me detyrë infermier, dhe Sh. M., 62 vjeç, me detyrë mjek, të dy banues në Tepelenë dhe punonjës në një qendër shëndetësore të zonës.
Sipas Policisë së Shtetit, hetimet kanë treguar se më 13 shtator 2025, dy të pezulluarit kanë regjistruar në librin e shërbimit një vizitë të rreme për shtetasin E. K., i cili në atë kohë ndodhej nën masën e sigurisë “arrest në shtëpi” dhe ishte arrestuar për shkeljen e saj.
Në bazë të provave të mbledhura, gjykata vendosi ndaj tyre masën “Pezullimi i ushtrimit të një detyre ose shërbimi publik”, me akuzën e falsifikimit të dokumenteve shëndetësore në bashkëpunim.
Ngjarja ka ngjallur reagime në institucionet lokale, ndërsa pritet që hetimet të vijojnë për të përcaktuar nëse ka persona të tjerë të përfshirë në rastin e manipulimit të të dhënave mjekësore.
About the Author
