Të dhënat e para të KQZ tregojnë interes të ulët në disa bashki ku po zhvillohen zgjedhjet e pjesshme lokale
Komisioni Qendror i Zgjedhjeve ka bërë publike shifrat paraprake të pjesëmarrjes deri në orën 09:00 për zgjedhjet e pjesshme lokale që po mbahen sot në disa bashki të vendit. Sipas raportimeve zyrtare, pjesëmarrja totale deri në këtë orë llogaritet të jetë rreth 2.4% e numrit të përgjithshëm të zgjedhësve në listë.
Sipas të dhënave të përditësuara nga KQZ, situata paraqitet kështu:
Në Mat kanë votuar 1,003 qytetarë.
Në Vlorë janë paraqitur 663 qytetarë.
Në Berat kanë votuar 602 qytetarë.
Në Tepelenë janë regjistruar 205 votues.
Në Cërrik kanë votuar deri tani 192 qytetarë.
Procesi i votimit ka nisur pa probleme të raportuara në qendrat kryesore të votimit. Megjithatë, pjesëmarrja e ulët në orët e para të mëngjesit shihet si një sinjal i dobët i interesit zgjedhor, ndërkohë që partitë kryesore politike pritet të intensifikojnë thirrjet për pjesëmarrje gjatë ditës.
KQZ do të publikojë përditësime të tjera në orët në vijim.
About the Author
