Moska përpiqet të rrisë ndikimin diplomatik ndërsa diskutohet armëpushimi, shkëmbimi i pengjeve dhe tensionet rajonale.
Presidenti rus Vladimir Putin dhe kryeministri izraelit Benjamin Netanyahu zhvilluan një bisedë të pazakontë telefonike këtë të shtunë, duke u fokusuar te zhvillimet më të fundit në Lindjen e Mesme, veçanërisht në Rripin e Gazës. Lajmi u konfirmua përmes një deklarate të përbashkët si nga zyra e kryeministrit izraelit ashtu edhe nga Kremlini.
Sipas komunikatës zyrtare, biseda mes dy liderëve zgjati disa minuta dhe u përqendrua në zbatimin e marrëveshjes së armëpushimit të ndërmjetësuar nga presidenti amerikan Donald Trump. Diskutimet përfshinë gjithashtu procesin e shkëmbimit të pengjeve izraelite me të burgosur palestinezë, si dhe përpjekjet për të shmangur përshkallëzimin e konfliktit në rajon.
Tema kryesore e tjetër e diskutimit ishte programi bërthamor i Iranit, një çështje që mbetet shqetësim i madh për Tel Avivin. Të dy liderët shkëmbyen mendime për situatën në Siri dhe nevojën për stabilizim të mëtejshëm të vendit, ku Rusia mbetet një aktor kyç ushtarak dhe politik.
Pala izraelite deklaroi se telefonata u realizua me kërkesë të Putinit, ndërsa Kremlini e cilësoi komunikimin si “një shkëmbim të thelluar pikëpamjesh”, duke sinjalizuar interesin e Rusisë për të rritur rolin e saj diplomatik në Ballkanin Perëndimor dhe Lindjen e Mesme, veçanërisht në Këshillin e Sigurimit të OKB ku shpesh përplaset me qëndrimet e SHBA.
About the Author
