Sulmuesi shqiptar tregon reagimin e Milosh Milojević pas golit që tronditi Serbinë në Leskovac dhe thotë se respekti mes tyre është i ndërsjellë, pavarësisht rivaliteteve.
Pas golit që ndezi emocione në të gjithë Shqipërinë dhe trazoi stadiumin e Leskovacit, Ray Manaj ka zbuluar një prapaskenë surprizuese: trajneri i tij aktual te Sharjah, Milosh Milojević, me origjinë serbe, e ka përgëzuar personalisht për atë moment historik.
Në fitoren 1-0 të Shqipërisë ndaj Serbisë më 11 tetor, Manaj shënoi golin vendimtar dhe festoi me gjestin e shqiponjës, simbol që shkaktoi reagime të forta në Beograd, por u kthye në një emblemë krenarie për tifozët kuqezi.
I rikthyer në Emiratet e Bashkuara, sulmuesi rrëfen se marrëdhënia me trajnerin serb mbetet korrekte dhe profesionale:
Milojevići më përgëzoi për ndeshjen dhe për golin. E respektoj si trajner dhe si njeri. Në futboll, ne jemi përtej politikës, këtu fitojnë vetëm sporti dhe puna e përbashkët, tha ai.
Pas kthimit te klubi, Manaj e shoqëroi deklaratën me një tjetër paraqitje të shkëlqyer: ai shënoi përsëri, duke ndihmuar Sharjah të mposhtë Al Dhafra-n me rezultatin 2-0.
Një mesazh i qartë nga sulmuesi kuqezi: simbolet mund të ndajnë, por sporti dhe respekti i vërtetë bashkojnë.
About the Author
