PAK çan skemën e “mafies së pronave” në bregdetin e Durrësit; tre të arrestuar, ndërsa për “Rrumin e Shijakut” firmoset një urdhër i ri arresti.
Operacioni i posaçëm i SPAK ka zbuluar një tjetër skandal me pronat në bregdetin e Durrësit, duke shënjestruar individë të lidhur me politikën dhe botën e krimit. Deri më tani janë ndaluar tre persona, ndërsa për Aleksandër Lahon, i njohur si “Rrumi i Shijakut”, është lëshuar një urdhër i ri arresti. Ai ndodhet ende në kërkim.
Mes të ndaluarve është Vullnet Muça, vëllai i “Rrumit”, i dyshuar si pjesë e mekanizmit të falsifikimeve dhe përvetësimeve të paligjshme të pronave. Gjithashtu, në pranga ka përfunduar Enea Kume, vëllai i deputetit socialist Loer Kume, si dhe Vlashi Draçi, të cilët akuzohen për përfshirje aktive në skemë.
Burime nga organet e hetimit theksojnë se ky rrjet ka operuar përmes ndikimit politik dhe lidhjeve me segmente të administratës, duke manipuluar dokumente dhe duke i zhvendosur pronat në favor të personazheve të caktuar. SPAK ka paralajmëruar se hetimet do të zgjerojnë edhe më tej, duke përfshirë çdo individ të dyshuar që ka përfituar nga ky mekanizëm kriminal.
Ky është një nga operacionet më të mëdha kundër “mafies së pronave” në Durrës, duke vënë sërish në qendër të vëmendjes figurën e Aleksandër Lahos, i cili prej kohësh është në listën e emrave problematikë për drejtësinë shqiptare.
About the Author
