Pagesa marramendëse e Claudia Schiffer në Love Actually, fitoi një rrogë vjetore britanike për 8 sekonda
Një nga surprizat më të mëdha financiare të botës së kinemasë lidhet me filmin kult të Krishtlindjeve Love Actually. Supermodelja e famshme Claudia Schiffer, e cila shfaqet për vetëm një minutë në ekran, është paguar me një shumë marramendëse për këtë rol të shkurtër, por të paharrueshëm.
Sipas të dhënave të publikuara nga Vogue Claudia Schiffer ka përfituar rreth 350 mijë dollarë për paraqitjen e saj në filmin e vitit 2003. Kjo do të thotë se ajo ka fituar rreth 4.500 paund për sekondë, ose ekuivalentin e një rroge mesatare vjetore në Mbretërinë e Bashkuar për vetëm tetë sekonda në ekran.
Në film, Schiffer shfaqet përkrah Liam Neeson, duke luajtur personazhin e Carol, një nga momentet më të ëmbla dhe simbolike të historisë. Personazhi i Neeson, Daniel, një baba i ve dhe i trishtuar, përfundon duke gjetur sërish dashurinë, pikërisht me figurën e supermodeles, pas një serie bisedash prekëse me njerkun e tij Sam.
Edhe pse roli i saj ishte i shkurtër, ndikimi në publik dhe ikonografia e skenës e kanë kthyer atë në një nga momentet më të përfolura të filmit. Pagesa e lartë tregon jo vetëm statusin e Claudia Schiffer në atë periudhë, por edhe fuqinë që një emër i madh ka në industrinë e filmit.
Në kontrast, aktorë të tjerë kryesorë të Love Actually, përfshirë Emma Thompson, kanë pranuar publikisht se ndihen të nënvlerësuar financiarisht për rolet e tyre, megjithëse honoraret e tyre nuk janë bërë publike.
Love Actually mbetet edhe sot një nga filmat më të dashur të Krishtlindjeve, ndërsa historia e pagesës së Claudia Schiffer vazhdon të habisë publikun, duke treguar se ndonjëherë edhe 60 sekonda në ekran mund të vlejnë një pasuri.
About the Author
