Mjeti u qëllua pranë spitalit të qytetit, nuk ka të lënduar dhe autorët mbeten të paidentifikuar
Mëngjesi i sotëm ka sjellë tension në Lushnjë, ku janë regjistruar të shtëna me armë zjarri ndaj një automjeti pranë kryqëzimit të spitalit. Sipas informacioneve paraprake, plumbat kanë goditur mjetin në lëvizje, por fatmirësisht nuk raportohet për persona të lënduar.
Policia ka mbërritur në vendngjarje dhe po mbledh provat e para, ndërsa ende nuk dihet se kush ishte shënjestra e sulmit apo motivi i mundshëm. Hetimet po zhvillohen në disa pista, përfshirë edhe konfliktet e mundshme mes palëve.
Ngjarja ka krijuar pasiguri në zonë, ndërsa pritet që autoritetet të publikojnë detaje të tjera sapo t’i kenë të konfirmuara.
About the Author
