Nën koordinimin e AFAD dhe Kryqit të Kuq turk, një operacion me anije, aeroplanë dhe konvoja rrugore ka sjellë më shumë se 101,725 tonë furnizime, ndërsa hyrjet e kamionëve janë shtuar pas armëpushimit.
Turqia ka deklaruar se ka dërguar gjithsej 101,725 ton ndihma humanitare drejt Rripit të Gazës, përmes një operacioni të madh që ka përfshirë 16 anije dhe 14 avionë, njoftoi të dielën Agjencia Turke për Menaxhim të Fatkeqësive (AFAD).
Sipas deklarimeve të zyrtarëve turq, përveç transportit detar dhe ajror, në terren janë dërguar edhe qindra kamionë me furnizime; që nga fundi i korrikut të këtij viti janë regjistruar 333 konvoja kamionësh që kanë hyrë në Gaza.
Një dërgesë e veçantë prej rreth 100 kamionësh me mallra të ndërmarrjeve shtetërore dhe organizatave humanitare turke si AFAD dhe Kryqi i Kuq Turq, u koordinua me Kryqin e Kuq egjiptian dhe u transportua nga El-Arish drejt pikës kufitare Karem Abu Salem për të hyrë në territorin palestinez.
Autoritetet turke kanë njoftuar gjithashtu se do të vazhdojnë dërgesat në ditët e ardhshme, përfshirë ngarkesa të planifikuara me ushqime, batanije dhe tendë turke, për të ndihmuar popullsinë civile që po përballet me mungesa të thella humanitare.
Hyrjet e kamionëve dhe përshpejtimi i kontributeve vijnë ndërsa armëpushimi i ri ka lehtësuar kalimin e ndihmave nëpër pika kufitare si Karem Abu Salem; fotot dhe raportimet nga terreni konfirmojnë arritjen e kamionëve në rajone të jugut të Gazës.
Ministritë dhe agjencitë humanitare qëndrojnë nën presion për të siguruar që ndihmat të shpërndahen drejt njerëzve në nevojë, në mënyrë të drejtë dhe të sigurt, ndërsa organizatat ndërkombëtare paralajmërojnë se nevojat mbeten kolosale dhe se duhet lehtësim i vazhdueshëm i aksesit për të shmangur krizën e urisë.
About the Author
