Rrethanat e ngjarjes mbeten ende të paqarta, policia dhe grupi hetimor në vend për zbardhjen e plotë të rastit
Një ngjarje e rëndë është shënuar këtë të mërkurë në zonën e Bushtricës, në Prrenjas, ku një person rreth moshës 60–65 vjeç ka humbur jetën në rrethana tragjike.
Sipas informacioneve paraprake, dyshohet se i moshuari ka rënë nga ura hekurudhore e Bushtricës dhe për pasojë ka ndërruar jetë në vend, mbi trasenë e rrugës automobilistike që kalon poshtë saj.
Në vendngjarje kanë mbërritur shërbimet e Policia e Shtetit, si dhe grupi hetimor, të cilët po punojnë për sqarimin e plotë të rrethanave të ngjarjes dhe identifikimin zyrtar të viktimës.
Trupi i pajetë është transportuar për veprime të mëtejshme procedurale, ndërsa hetimet vijojnë për të përcaktuar nëse bëhet fjalë për aksident apo rrethana të tjera që çuan në këtë ngjarje tragjike.
About the Author
