Tramp i kërkon Kubës një marrëveshje “para se të jetë shumë vonë”, paralajmëron se nuk do të ketë më naftë apo para

Presidenti amerikan Donald Tramp i ka bërë një thirrje të fortë Kubës që të pranojë një marrëveshje me Shtetet e Bashkuara “para se të jetë shumë vonë”, duke paralajmëruar se më “nuk do të ketë më naftë apo para për Kubën – zero!”, në të njëjtën kohë që rrit presionin ekonomik ndaj ishullit.

Në një postim në rrjetin e tij social Truth Social, Tramp theksoi se Kuba ka jetuar për shumë vite falë sasisë së konsiderueshme të naftës dhe parave që ka marrë nga Venezuela, por sipas tij kjo ndihmë ka marrë fund dhe tani Havana duhet të negociojë një marrëveshje me Uashingtonin përpara se situata të përkeqësohet më tej.

Ky qëndrim shënon një përforcim të politikës së Shteteve të Bashkuara ndaj Kubës, në një kohë kur vendi vazhdon të përballet me tronditje ekonomike të thella dhe pas zhvendosjes së mbështetjes kryesore ekonomike nga Venezuela pas arrestimit të liderit të saj, Nicolás Maduro. Analistët e çështjeve latine theksojnë se ekonomia kubane është nën presion të madh për shkak të krizës së vazhdueshme, rënies së ndihmave dhe pengesave të shumta për investime të huaja.

Kjo deklaratë vjen në një kontekst ku marrëdhëniet midis SHBA-së dhe Kubës historikisht kanë qenë të tensionuara, përfshirë edhe sanksione të ashpra të vendosura gjatë administratës Trump dhe të forcuara më tej, të cilat kanë kufizuar lëvizjen e mallrave, parave dhe shërbimeve drejt ishullit.

Në thelb, Tramp po përdor presion ekonomik si mjet negociate, duke kërkuar që Kuba të ule negociatat për një marrëveshje me SHBA-në para se gjendja të degradojë edhe më tej, dhe duke paralajmëruar pasoja më të ashpra nëse kjo nuk ndodh.