Presidenti amerikan paralajmëron rritje të fortë doganore ndaj Britanisë dhe disa vendeve europiane nëse SHBA nuk arrin marrëveshje për blerjen e ishullit arktik
Presidenti amerikan Donald Tramp ka ndezur një përplasje të re politike dhe ekonomike me Evropën, duke kërcënuar me vendosjen e tarifave të rënda ndaj disa vendeve aleate, përfshirë edhe Mbretëria e Bashkuar, nëse nuk realizohet një marrëveshje që i hap rrugë blerjes së Groenlanda nga Shtetet e Bashkuara.
Sipas deklarimeve të tij publike, Tramp ka paralajmëruar se duke nisur nga 1 shkurti do të vendosë tarifa prej 10 % për të gjitha mallrat që importohen në SHBA nga Danimarka, Norvegjia, Suedia, Franca, Gjermania, Britania e Madhe, Holanda dhe Finlanda. Nëse deri në muajin qershor nuk arrihet një marrëveshje për Groenlandën, këto tarifa do të rriten deri në 25 për qind.
Trump ka justifikuar këtë vendim duke thënë se për dekada me radhë Shtetet e Bashkuara kanë subvencionuar vendet evropiane duke mos u vendosur tarifa doganore, ndërsa tani ka ardhur koha që, sipas tij, Danimarka të kthejë borxhin, pasi në lojë është paqja botërore.
Presidenti amerikan ka përsëritur gjithashtu pretendimet se Groenlanda rrezikon të bjerë nën ndikimin e Kinës ose Rusisë nëse nuk vihet nën kontrollin e SHBA, duke e cilësuar situatën aktuale si tepër të rrezikshme për sigurinë globale. Ai ka ironizuar edhe mbrojtjen e ishullit, duke pretenduar se aktualisht disponon vetëm mjete simbolike sigurie.
Në reagimet e tij, Tramp ka akuzuar disa vende europiane se po veprojnë në Groenlandë për qëllime të paqarta, duke e cilësuar këtë si një rrezik serioz për stabilitetin dhe mbijetesën e planetit. Ai ka paralajmëruar se tarifat do të mbeten në fuqi derisa të arrihet një marrëveshje e plotë për blerjen e ishullit.
Këto deklarata vijnë në një moment delikat për marrëdhëniet transatlantike dhe kanë shkaktuar shqetësim në radhët e aleatëve të NATO, të cilët shohin rrezik për përçarje serioze nëse tensionet për Groenlandën përshkallëzohen më tej.
About the Author
