Luana Myrto tregon se gjatë adoleshencës u orientua drejt terapisë hormonale nga aktivistë që, sipas saj, e bindën se gjendej në trupin e gabuar.
Luana Myrto, një vajzë transgjinore, ka ndarë përvojën e saj personale, ku thotë se në moshë të vogël është ndikuar për të nisur procesin e tranzicionit gjinor. Ajo tregon se në një periudhë të vështirë ekonomike dhe emocionale në adoleshencë, u afrua nga përfaqësues të komunitetit LGBT që i ofruan mbështetje, por gjithashtu e shtynë drejt terapisë hormonale.
Sipas rrëfimit të saj, mesazhi kryesor që i është përsëritur në atë kohë ishte se ajo nuk mund të ndihej e pranuar derisa të fillonte trajtimin hormonal. Myrto thotë se në atë moshë ndihej e pambrojtur dhe kërkonte orientim, ndaj ndikimi që mori e çoi drejt vendimeve të shpejta.
Ajo e përshkruan periudhën si një kohë ku ndjente frikë nga refuzimi dhe presion për të provuar se i përkiste identitetit të ri. Sot, pas shumë vitesh, ajo thotë se ende pyet veten nëse zgjedhja ka qenë e saj apo pasojë e ndikimit të të tjerëve në një kohë kur nuk ishte e përgatitur të vendoste.
Myrto shton se raste të ngjashme kanë prekur edhe të rinj të tjerë, sidomos ata që jetojnë në kushte të vështira dhe kërkojnë mbështetje emocionale dhe shoqërore.
About the Author
