UCAV turk bëhet i pari në botë që lëshon me sukses një raketë me drejtim radarik dhe shënon objektivin në fluturim, duke sfiduar programet perëndimore të dronëve luftarakë.
Turqia ka kryer një test historik që po komentohet gjerësisht në industrinë e mbrojtjes. UCAV Kizilelma, prodhim i kompanisë Baykar, ka realizuar për herë të parë një goditje të suksesshme të një droni objektiv duke përdorur raketën ajër-ajër Gökdoğan me drejtim radarik. Testi u zhvillua më 28 nëntor dhe u publikua zyrtarisht më 30 nëntor 2025.
Pamjet tregojnë momentin kur raketa Gökdoğan shkëputet nga krahu i djathtë i Kizilelmas, kryen manovrën loft për të rritur energjinë kinetike dhe më pas godet objektivin me precizion të lartë. Në mision morën pjesë pesë F-16 të Forcave Ajrore Turke, ndërsa një Akinci UCAV shërbeu si mjet sigurie gjatë provës.
Kizilelma ishte i pajisur me radarin AESA Murad dhe sistemin optik Toygun EOTS, prodhuar nga Aselsan. Prototipi PT-5 ishte gjithashtu i përfshirë në testet e mëparshme të mbajtjes së raketave dhe simuluarjes së bllokimit të objektivit me radar.
Komandanti i Forcave Ajrore Turke e cilësoi këtë moment si hapjen e një epoke të re në aviacionin luftarak, duke theksuar se për herë të parë një avion luftarak pa pilot ka lëshuar një raketë ajër-ajër me drejtim radarik dhe ka goditur me saktësi një objektiv ajror.
Testi i Kizilelmas vendos Turqinë përpara programit australian MQ-28A Ghost Bat, i cili pritet të kryejë provën e tij të parë me AIM-120 gjatë dhjetorit. Rezultatet e fundit do të përdoren nga bashkëpunimi Baykar-Leonardo, që synon prodhimin e Kizilelmas dhe platformave të tjera UCAV në Itali.
Për analistët, ky test tregon se dronët luftarakë të pajisur me radare AESA dhe raketa me rreze të gjatë mund të ndryshojnë balancat në hapësirat ajrore të kontestuara. Edhe pse nuk manovrojnë si avionët tradicionalë, grupet e UCAV-ve të pajisura me AAM mund të pengojnë operacionet e kundërshtarëve dhe të mbajnë në shënjestër objektivat ajrore nga distanca të sigurta.
Sipas vlerësimeve strategjike, Kizilelma po konsolidon pozicionin e Turqisë si një lojtar të rëndësishëm në doktrinën e re të luftës ajrore, ku UCAV-të dhe manovrat e avancuara të bashkëpunimit me avionë të pilotuar pritet të bëhen standardi i gjeneratës së ardhshme të betejave ajrore.
About the Author
