Teknologjia po hap role të reja luftarake për gratë ukrainase, teksa lufta hyn në vitin e katërt dhe humbjet njerëzore rriten ndjeshëm.
Ukraina po përballet me një realitet të ri ushtarak ku roli i grave po bëhet gjithnjë e më i dukshëm. Ministria e Mbrojtjes ka konfirmuar se gjatë vitit 2025 mbi 70 mijë gra kanë shërbyer në forcat e armatosura, një rritje me 20% krahasuar me vitin 2022. Ky mobilizim vjen ndërkohë që vendi është në vitin e katërt të luftës dhe ushtria është përballur me humbje të mëdha në njerëz.
Teknologjia dhe ndryshimet në taktikat e luftës kanë hapur dyert e roleve që tradicionalisht mbanin burrat. Një nga pozicionet më të kërkuara nga gratë është pilotimi i dronëve luftarakë, një nga armët më strategjike të Kievit. U përdorën për goditje në objektiva rusë, duke përfshirë qendra industriale të naftës dhe gazit, ndërkohë që mungesa e municioneve nga Perëndimi e ka shtyrë Ukrainën të ndërtojë industrinë e vet të prodhimit të dronëve.
Monka, 26 vjeç, pilote dronësh në Battaglione Sistemi Senza Pilota, tregon se teknologjia ka ndryshuar mënyrën si luftohet: pa nevojën për të mbajtur municion fizikisht deri në vijën e parë të frontit. Ndërkohë, Yaha, 25 vjeç, pilote e një droni bombardues, thekson se lufta është “dhimbje, humbje e sakrificë, jo heroizëm glamuroz , e bën vetëm që situata të ndryshojë”.
Nga 70 mijë gratë e angazhuara në ushtri, më shumë se 5.500 shërbejnë në vijën e parë të betejës. Nuk ka ende një shifër zyrtare për numrin e tyre të rënieve në luftime, por raportet tregojnë se kontributi i tyre në front po rritet ndërsa lufta vazhdon.
Teksa dronët dhe teknologjia moderne zëvendësojnë gjithnjë e më shumë luftën e drejtpërdrejtë, gratë ukrainase po bëhen pjesë kyçe e strategjisë mbrojtëse të vendit, me shpresën se kjo do ta afrojë fundin e konfliktit.
About the Author
