Hajdar Ismailgeci u godit me thikë në mes të rrugës pas një konflikti të çastit. Policia identifikon dhe arreston autorin në Durrës.
Një krim i rëndë tronditi mbrëmjen e kaluar zonën e Babrrusë në Tiranë. Një 40-vjeçar, i identifikuar si Hajdar Ismailgeci, mbeti i vrarë pas një sherri për motive banale.
Ngjarja ndodhi rreth orës 20:10, kur viktima u përfshi në një debat të momentit me një person tjetër. Përplasja degjeneroi shpejt në dhunë dhe autori nxori thikën duke goditur fatalisht Ismailgecin. Banorët e zonës, të alarmuar nga skena, njoftuan menjëherë policinë dhe ambulancën, por 40-vjeçari kishte ndërruar jetë në vend.
Pas një operacioni të shpejtë, policia arriti të gjurmojë dhe arrestojë autorin e dyshuar në qytetin e Durrësit. Identiteti i tij ende nuk është bërë publik, ndërsa grupi hetimor po punon për të zbardhur rrethanat e sakta të vrasjes.
Sipas të dhënave paraprake, ngjarja nuk lidhet me konflikte të mëhershme, por është rezultat i një grindjeje të çastit, duke e kthyer një zënkë banale në tragjedi.
About the Author
