Një histori e gjatë dyshimesh dhe obsesioni për tradhti përfundon në gjak, ku një grua godet brutalisht bashkëshortin e saj, duke e vrarë në mënyrë makabre
Një ngjarje tronditëse ka tronditur Brazilin, pasi një 43-vjeçare vrau në mënyrë brutale bashkëshortin e saj, bodybuilder-in 41-vjeçar Walter de Vargas Aita. Sipas autoriteteve, gruaja e goditi burrin me 21 plagë thike në kokë, bust dhe gjymtyrë, në një akt të përshkruar si vrasje e paramenduar me motive xhelozie.
Hetimet kanë zbuluar një histori të errët pas krimit: për muaj me radhë, gruaja kishte ndjekur dhe spiunuar bashkëshortin, duke e fotografuar fshehurazi ndërsa flinte dhe duke i dërguar mesazhe kërcënuese të mbushura me emoji thikash. Në regjistrime audio të publikuara nga policia, ajo shprehte hapur dëshirën për ta vrarë, ndërsa viktima rrëfente frikën e tij, madje kishte lënë të kuptohej se do të linte një letër në rast se i ndodhte diçka.
Pavarësisht pretendimeve të saj për vetëmbrojtje, provat e mbledhura e përgënjeshtrojnë versionin e gruas. Hetuesit besojnë se viktima u sulmua fillimisht në gjumë dhe më pas u përpoq të shpëtonte, duke lënë gjurmë gjaku në korridore dhe shkallë. Dëshmitarë kanë deklaruar se dëgjuan britmat e tij të fundit: “Zoti im, pse po e bën këtë?” përpara se të binte pa ndjenja.
Policia ka cilësuar rastin si një vrasje të paramenduar dhe me elementë mizorie, duke hedhur poshtë çdo pretendim të autores për vetëmbrojtje.
About the Author
