Mbrëmjen e djeshme, Nuredin Dumani pësoi një komplikacion të rëndë shëndetësor brenda qelisë së tij në burgun 313, duke alarmuar SPAK-un dhe Drejtorinë e Burgjeve.

Burime bëjnë me dije se, teksa konsumonte karkaleca, Dumani shfaqi probleme të forta me zemrën dhe humbi ndjenjat. Ai u transportua me urgjencë në QSUT, ku mbërriti në gjendje të pavetëdijshme. Pas ndërhyrjes së mjekëve dhe skanimeve të shumta, ai u dërgua në reanimacion dhe iu aplikua një terapi shpëtimi.

Dumani u vendos në një dhomë të veçantë “VIP”, nën masa të rrepta sigurie. Sipas burimeve, pasi rifitoi ndjenjat, ai deklaroi se problemet nisën në momentin kur po konsumonte ushqimin në qeli.