Shqipëria ka ndjekur të njëjtën prirje me shumicën e vendeve të kontinentit, duke e renditur Temu-në si aplikacionin më të shkarkuar në vitin 2024.
Sipas të dhënave të publikuara nga Maps Interlude, platforma kineze e tregtisë online ka fituar popullaritet falë ofertave të shpeshta dhe çmimeve të ulëta, duke tërhequr një bazë të gjerë përdoruesish në vendin tonë dhe në mbarë Europën.
Tendencat në rajon dhe Europë
- Në Shqipëri, kryeson Temu.
- Në Serbi, aplikacioni financiar AllRecovery.
- Në Mali të Zi, më i shkarkuar ka qenë TikTok.
Në nivel europian, Temu dominoi në vendet kryesore si Franca, Gjermania dhe Spanja. Përjashtime janë:
- Italia, ku kryeson TikTok
- Belgjika, ku dominoi Klarna
- Zvicra dhe Austria, ku më i shkarkuar rezultoi ChatGPT
Ky rezultat tregon se sjellja digjitale e përdoruesve europianë po orientohet gjithnjë e më shumë drejt platformave të reja tregtare dhe teknologjike, duke reflektuar konkurrencën në rritje mes aplikacioneve globale.
